خبيزات روعة

هذ الخبيزات يصلحو للفطور والكوتي والسندويش خفاف ولذاذ ورخاص نخليكم مع الصور والطريقة









المقادير:
280 غ طحين فورص فاخر
25 غ سنيدة
8 غ خميرة الخبز
125 غ حليب سائل
ملعقة صغيرة ملح
1بيضة
35 غ زبدة
نخرجو كلشي من الثلاجة لحرارة المكان ونذوبو الخميرة فالحليب ونعجنو كلشي ماعدا الزبدة هي الأخيرة ونغطيو ونخليوه يخمر ساعة من بعد ندلكوه شوية باش نخرجو الغازات ونردوه يخمر ساعة أخرى من بعد نقسمو خمس كورات ونغطيوهم ربع ساعة عاداباش نشكلوهم كوميرات ونفلحوهم بالمقص ونغطيوهم بمنديل يخمرو ساعتين نطربو بيضة كاملة مع شوية الملح وندهنوهم دهن خفيف مع تجنب دهن الفتحات باش يبقاو بيضين
ندخلوهم لفرن محمي على200 لمدة10 دقائق